දින කිහිපයක් නිහඩව සිටීමෙන් පසු මෙඩිබෑන්ක් සයිබර් ප්‍රහාරකයන් විසින් නැවත වරක් පුද්ගලික දත්ත මුදා හැර තිබෙනවා.
ඒ අනුව වාර්තා 1496 ක් ඔවුන් විසින් ප්‍රසිද්ධ කර ඇති බව සඳහන්.
මෙය මෙතෙක් එක් දිනයකදී මෙඩිබෑන්ක් සයිබර් ප්‍රහාරකයන් විසින් අන්තර්ජාලයට මුදා හැරුණු විශාලතම දත්ත ප්‍රමාණයද වනවා.
මේ සමගම මෙඩිබෑන්ක් සයිබර් ප්‍රහාරකයන් විසින් මුදාහරිනු ලැබූ සමස්ත වාර්තා ප්‍රමාණය 2700 ඉක්මවා යනු ඇති.
ඔස්ටේ්‍රලියානුවන් 2500 කගේ පමණ තොරතුරු ඒ අතර වනවා.
සයිබර් ප්‍රහාරකයන් විසින් ඉල්ලා සිටි ඩොලර් මිලියන 15 ක කප්පම් මුදල ගෙවීම මෙඩිබෑන්ක් විසින් ප්‍රතික්ෂේප කිරීමත් සමගයි මෙලෙස පුද්ගලික දත්ත ඔවුන් විසින් ප්‍රසිද්ධ කරමින් සිටින්නේ.
