ළමා ලිංගික අපරාධකරුවන්ට එරෙහිව නව දැඩි නීති හඳුන්වාදීමට ක්වීන්ස්ලන්ඩ් ප්‍රාන්ත රජය තීරණය කර තිබෙනවා.
විශේෂයෙන් අන්තර්ජාලය ඔස්සේ එල්ලවන බලපෑම් සම්බන්ධයෙන් පියවර ගැනීමට ප්‍රාන්ත පොලිසියට අමතර බලතල ලබාදීමක් එහිදී සිදුවනු ඇති.
ඒ අනුව කිසියම් අපරාධකරුවෙකු ඩිජිටල් උපාංගයක් භාවිත කරන බවට තහවුරු වුවහොත් ඔහුගේ නිවසට පිවිස පරීක්ෂා කිරීමටද ක්වීන්ස්ලන්ඩ් ප්‍රාන්ත පොලිසියට ඒ යටතේ අමතර බලතල හිමිවනවා.
ළමා අපරාධ සම්බන්ධයෙන් ඔස්ටේ්‍රලියාවේ ප්‍රාන්තයක් විසින් මෙවැනි නීතිමය පියවරක් අනුගමනය කෙරෙන පළමු අවස්ථාවද මෙය වීම විශේෂත්වයක්.
කිසියම් චූදිතයෙකු පොලිස් රාජකාරියට බාධා කරන්නේ නම් උපරිම වසර 05 ක සිර දඩුවමක්ද ඒ යටතේ පැණවීමට නියමිතයි.
