වහා රටින් පිටවන්නැයි සරණාගතයන් සහ දේශපාලන රැකවරණ පතන්නන් 500 කට ආසන්න පිරිසකට ස්වදේශ කටයුතු දෙපාර්තමේන්තුවෙන් ලිපි යොමු කර ඇත්තේ සිය අනුදැනුමකින් තොරව බව ස්වදේශ ඇමතිනී ක්ලෙයාර් ඔනිල් පවසනවා.
මින් ඉදිරියට මෙවැනි ලිපි යැවීමෙන් වළකින්නැයි තමා අදාළ බළධාරීන්ට දන්වා සිටි බවයි ඇමතිනිය සඳහන් කලේ.
දැනට bridging වීසා මත සිටින පිරිසකට පසුගිය සැප්තැම්බර් සහ ඔක්තෝබර් මාසවලදී මෙම ලිපි යවා ඇති බව සඳහන්.
මින් බහුතරයක් වසර ගණනාවක සිට රැඳවුම් කඳවුරුවල සිටින අතර ස්ථිර පදිංචිය අපේක්ෂා කරන්නන් බවටයි තහවුරු කරගෙන ඇත්තේ.
මෙම පිරිසට පසුව යවන ලද ලිපියක දක්වා ඇත්තේ අත්වැරදීමක් හේතුවෙන් අදාළ ලිපි යවා ඇති බැවින් එය නොසළකා හරින ලෙසයි.
