ඉංග්‍රීසී භාෂාවෙන් ගායනා කරන ගීතයක් ඔස්ටේ්‍රලියාව තුළදී එළි දක්වන ලද පළමු ශ්‍රී ලාංකික – ඔස්ටේ්‍රලියානු සංගීත කණ්ඩායම බවට මෙල්බන් සිටින Dynamics සංගීත කණ්ඩායම පත්වී තිබෙනවා.
සාමාජිකයන් 07 දෙනෙකුගෙන් සමන්විත ඔවුන් ලාබාල වියේදීම සංගීත ක්ෂේත්‍රයට පිවිස මේ වනවිට වසර 09 කට ආසන්න කාලයක් ගතවි තිබෙනවා.
ගතවූ කාලය පුරා Dynamics විසින් විවිධ සංදර්ශන – විවාහ – රාත්‍රී සාද ආදිය සංගීතවත් කර ඇති අතර ජනප්‍රිය ශ්‍රී ලාංකික සංගීතවේදීන් සහ කලාකරුවන් සමග සම්බන්ධවෙමින් කටයුතු කර තිබීමද විශේෂත්වයක්.
ඔවුන් විසින් පෙරේදා දිනයේදී ‘Before it happens again’ යනුවෙන් නවතම ගීතයක් එළි දක්වනු ලැබුවා.
ශ්‍රී ලාංකික – ඔස්ටේ්‍රලියානු සංගීත කණ්ඩායමක් විසින් ඉංග්‍රීසී භාෂාවෙන් ගායනා කරන ගීතයක් ඔස්ටේ්‍රලියාව තුළදී එළි දක්වන ලද පළමු අවස්ථාවද එය වීම විශේෂත්වයක්.
බලාපොරොත්තුවෙන් සහ ආත්ම විශ්වාසයෙන් යුත් සියල්ලන්ට මෙම ගීතය පුද කෙරෙන අතර පසුගිය වසර කිහිපය පුරා අසීරු කාලයක් ගත කල සියල්ලන් වෙනුවෙනුයි එය නිර්මාණය කර ඇත්තේ.
ලෝකය නැවත අලංකාර ස්ථානයක් බවට පත් කිරීමද එහි තවත් අරමුණක් බව Dynamics සංගීත කණ්ඩායම සඳහන් කරනවා.
Dynamics Social Media : https://linktr.ee/dynamicsliveband?utm_source=linktree_profile_share<sid=bf1eecf3-f210-4896-b4e4-7265e3e1aafd
