
2020-21 මූල්ය වර්ෂය තුළදි ඔස්ටේරලියාවේ පුද්ගලික ව්යාපාර අතුරින් 1/3 ක් පමණ නියමිත බදු ගෙවා නොමැති බව හෙළිකරගෙන තිබෙනවා.
ඔස්ටේ්රලියා බදු කාර්යාලය නිකුත් කර ඇති නවතම වාර්තාවක දැක්වෙන්නේ සළකා බලන ලද ආයතන 2468 ක් අතුරින් 782 ක්ම බදු ගෙවීම පැහැර ඇර ඇති බවයි.
මින් ඇතැම් ආයතන සඳහා බදු නොගෙවා සිටීමට සාධාරණ හේතු ඇතත් බහුතරයකට එය අදාළ නොවන බවයි බදු කාර්යාලය අවධාරණය කරන්නේ.

මින් ආයතන 113 ක් විසින් ගෙවීමට ඇති බදු මුදල් ප්රමාණයේ එකතුව ඩොලර් බිලියන 03 කට ආසන්න වී තිබෙනවා.
කෙසේවෙතත් 2019 වසරට සාපේක්ෂව 2020-21 මූල්ය වසරේදී එකතු කරන ලද බදු ප්රමාණය සියයට 20 ක් හෙවත් ඩොලර් බිලියන 11.4 කින් පමණ ඉහළ ගොස් තිබෙනවා.

සළකා බලන ලද ආයතන 2468 න් 1376 ක් ඩොලර් මිලියන 100 ට වඩා ආදායම ලබා ඇති ඒවා බවද සඳහන්.