ඔස්ටේ්‍රලියානුවන්ගේ ආයු අපේක්ෂාව ඉහළ ගොස් තිබෙනවා.
2019-2021 කාලයේ දත්ත ආශ්‍රිත තොරතුරුවලට අනුව පිරිමි අයෙකුගේ ආයු අපේක්ෂාව අවුරුදු 81.3 ක් ලෙසද කාන්තාවකගේ අවුරුදු 85.4 ක් ලෙසද සටහන් වන බවයි සංඛ්‍යාලේඛණ කාර්යාංශ වාර්තා පෙන්වා දෙන්නේ.
එය 2018-2020 කාලය හා සැසඳීමේදී දෙපාර්ශවයෛ්ම ආයු අපේක්ෂා කාලය වසර 0.1 කින් ඉහළ යාමක් වනවා.
කොවිඩ් සමය තුළදී ආයු අපේක්ෂා ඉහළ ගිය සීමිත රටවල් අතුරින් එකක් බවට මේ අනුව ඔස්ටේ්‍රලියාවද පත්වීම විශේෂත්වයක්.
එය එක්සත් ජාතීන්ගේ සංවිධානය විසින් ප්‍රකාශයට පත් කර ඇති ආයු අපේක්ෂා වසරවලට වඩා වසර 10 කින් පමණ ඉහළ අගයක් වීමද සුවිශේෂී කරුණක් වනවා.
ඔස්ටේ්‍රලියාවේ ප්‍රාන්ත සැළකීමේදී ඉහළම ආයු අපේක්ෂාව ACT ප්‍රාන්තයෙන් සටහන් වන අතර අවම ආයු අපේක්ෂාව වාර්තා වන්නේ Northern Territory ප්‍රාන්තයෙනුයි.
2020 වසරට වඩා 2021 වසරේදී ආයු අපේක්ෂාව අඩුවී ඇත්තේ වික්ටෝරියා ප්‍රාන්තයේ පමණක් වන අතර අනෙකුත් සෑම ප්‍රාන්තයකම එය ඉහළ ගොස් තිබෙනවා.
