ඔප්ටස් සමාගමෙන් සොරාගත් දත්ත අවභාවිත කිරීම සම්බන්ධයෙන් අත්අඩංගුවට ගත් සිඩ්නි පදිංචි 19 හැවිරිදි තරුණයා චෝදනා 02 කට වරද පිළිගෙන තිබෙනවා.
ගණුදෙනුකරුවන් 93 දෙනෙකුට ඩොලර් 2,000 ක කප්පමක් බැගින් ඉල්ලූ බවට පිළිගෙන සමාව අයැද ඔහු විසින් අධිකරණයට ලිපියක් යොමුකර ඇති බව සඳහන්.
එම මුදල නොගෙවන්නේ නම් අදාළ දත්ත භාවිත කර මූල්ය අපරාධ සිදුකරන බවට චූදිතයා විසින් අනතුරු අගවා තිබුණද ඉන් කිසිවෙකුත් ඔහුට මුදල් ලබා දී තිබුණේ නැහැ.
මොහුට දඩුවම් නියම කිරීම ලබන වසරේදී සිදුකරන අතර උපරිම දඩුවම වසර 10 ක සිර දඩුවමක් බවයි නීතියේ දැක්වෙන්නේ.
මේ අතර මෙඩිබෑන්ක් සමාගමෙන් සොරාගත් දත්ත පැය 24 ක් ඇතුළත ප්රසිද්ධ කරන බවට සයිබර් ප්රහාරකයන් විසින් අනතුරු අගවා තිබෙනවා.
ඒ ඔවුන් ඉල්ලා සිටින කප්පම් මුදල නොගෙවන බවට මෙඩිබෑන්ක් සමාගම විසින් අවධාරණය කිරීමත් සමගයි.
පාරිභෝගිකයන් ලක්ෂ 97 කගේ පමණ පුද්ගලික දත්ත සොරාගෙන ඇති බවටයි ඔවුන් අනාවරණය කරගෙන ඇත්තේ.
