ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට එල්ල වී ඇති චෝදනා අතුරින් එකක් වන්නේ අදාල තරුණියගේ කැමැත්තකින් තොරව ලිංගික ක්‍රියා සඳහා යොදාගත් බවයි.
කුමක්ද මේ නිවු සවුත් වේල්ස් ප්‍රාන්තය තුළ ක්‍රියාත්මක කැමැත්තකින් තොරව ලිංගික ක්‍රියා සඳහා යොදාගැනීම වරදක් වන නීතිය ?
මෙය ක්‍රියාත්මක වීම ආරම්භ වූයේ පසුගිය ජූනි 01 වනදා සිටයි.
ඊට අනුව ලිංගික ක්‍රියාවක් සඳහා පොළඹවා ගැනීමේදී කිසියම් අයෙකු නිහඩව සිටියේ නම් එය අවසරය දීමක් ලෙස සැළකිය නොහැකියි.
අදාළ පුද්ගලයා අධික ලෙස බීමත්ව සිටි අවස්ථාවකදී කැමැත්ත දීමද අනුමත කෙරෙන්නේ නැහැ.
එක් ලිංගික කාර්යයක් සඳහා කැමැත්ත දීම යනු තවත් කාර්යයක් සඳහා අවසරය දීමක් ලෙසද සැළකීමට ප්‍රතිපාදන නැහැ.
ස්වකැමැත්තෙන් එකගතාවය පලකල යුතු අතර බලපෑම් කර කැමැත්ත ලබා නොගත යුතුයි.
ලිංගික කාර්යය අතරතුර ඕනෑම අවස්ථාවකදී ඉන් ඉවත්වීමට ද අවසර පවතිනවා.
නිදා සිටින අවස්ථාවකදී අදාළ අනුමැතිය ගැනීමටද ඉඩකඩ ලැබෙන්නේ නැහැ.
වැඩි විස්තර : https://www.dcj.nsw.gov.au/news-and-media/media-releases/2022/affirmative-consent-becomes-law-in-nsw.html
