සේවක වැඩබිම් පණතට තවත් සංශෝධන කිහිපයක් හඳුන්වාදීමට ෆෙඩරල් රජය තීරණය කර තිබෙනවා.
නත්තල් සමයට පෙර එය පාර්ලිමේන්තුවේදි සම්මත කර ගැනීම එහි අරමුණ බවයි ලේබර් පක්ෂ රජය සඳහන් කර සිටින්නේ.
මෙම පණතට ඇතුළත් ප්‍රධාන ලක්ෂණයක් වන්නේ multi-employer bargaining ක්‍රමය පුලුල් කිරීමයි.
මෙහිදී සේවකයන්ට ඉහළ බලතල හිමිවන බැවින් ඊට සේවායෝජකයන් විශාල පිරිසක් දැඩි විරෝධය පළකරන අතර ඊට සංශෝධන ගණනාවක් ඇතුළත් කෙරෙනු ඇති බවටයි වාර්තා පළවන්නේ.
ඒ වෙනුවට ආයතනය තුළ කිසියම් දැඩි තීන්දුවක් ගැනීමට පෙර ඒ සඳහා සේවකයන් බහුතරයක අනුමැතිය ගත යුතු බවට වන වගන්තියක් නව පණතට ඇතුළත් කිරීමට ලේබර් පක්ෂ රජය එකගතාවය පළකර තිබෙනවා.
