ලබන 26 වනදා පැවැත්වෙන ප්‍රාන්ත මැතිවරණයෙන් ජයගතහොත් පළමුවරට නිවසක් මිළදී ගන්නා පුද්ගලයන් මුද්දර ගාස්තුවෙන් නිදහස් කරන බවට වික්ටෝරියා ප්‍රාන්ත විපක්ෂය සහතික වනවා.
ඩොලර් මිලියනයකට වඩා අඩු වටිනාකමින් යුත් නිවාස සඳහා එම සහනය හිමිවන අතර එමගින් පවුල් 7,000 කට පමණ වසරකදී ලැබෙන ප්‍රතිලාභය ඩොලර් 55,000 කට අධිකයි.
ලබන ජනවාරි පළමුවනදා සිට වසරක කාලයක් සඳහා එය බලාත්මක වන අතර ඒ වෙනුවෙන් වික්ටෝරියා ප්‍රාන්ත රජය දරන වියදම ඩොලර් මිලියන 261 ක්.
මේ අතර මැතිවරණය ජයගතහොත් වික්ටෝරියා හි යුධ විරුවන් 90,000 ක් වෙනුවෙන් රණවිරු වරප්‍රසාද කාඩ්පතක් හඳුන්වාදෙන බවට අගමැති ඩැනියල් ඇන්ඩෲස් සහතික වනවා.
වාහන ලියාපදිංචි කිරීමේදී ඩොලර් 100 ක ගාස්තු කපා හැරීමක්ද ඊට ඇතුළත්.
ඒ වෙනුවෙන් ප්‍රාන්ත රජය වැය කිරීමට සැළසුම් කර ඇති මුදල ඩොලර් මිලියන 37 ක්.
