වික්ටෝරියා ප්‍රාන්ත අගමැති ඩැනියල් ඇන්ඩෲස් සම්බන්ධයෙන් වික්ටෝරියා දූෂණ මර්දන ඒජන්සිය විසින් විමර්ශනයක් ආරම්භ කර තිබෙනවා.
ඒ 2018 වසරේ පැවති ප්‍රාන්ත මැතිවරණයට පෙර වික්ටෝරියා සෞඛ්‍ය සේවක වෘත්තිය සමිතියට ඩොලර් මිලියන 03 ක මුදලක් අයුතු ලෙස ලබාදී ඇති බව කියන චෝදනාවකට අදාළවයි.
මෙවර මැතිවරණයේ පූර්ව ඡන්ද ප්‍රකාශ කිරීමට තවත් දින 10 ක් පමණක් ඉතිරිව තිබියදී මෙම විමර්ශනය ආරම්භවීමද විශේෂත්වයක්.
නිසි අනුමැතියකින් තොරව අදාළ මුදල් නිදහස් කරන්නැයි ඩැනියල් ඇන්ඩෲස් විසින් බලපෑම් කල බව කියද චෝදනා පිළිබඳ මෙහිදී විමර්ශනය කිරීමට නියමිතයි.
මෙවර වික්ටෝරියා ප්‍රාන්ත මැතිවරණ දිනය යෙදී ඇත්තේ නොවැම්බර් 26 වනදාටයි.
