වසර දෙකහාමාරකට ආසන්න කාලයක් පැවති බටහිර ඔස්ටේ්‍රලියා කොවිඩ් හදිසි තත්වය අදින් අවසන් වනවා.
කොවිඩ් හදිසි තත්වය අවසන් කිරීමත් සමග ප්‍රාන්ත සීමා වසා දැමීමට – ලොක්ඩවුන් පැණවීමට සහ මුහුණු ආවරණ රෙගුලාසි පැණවිමට පැවති බලතල සීමාවනු ඇති.
ප්‍රාන්ත අගමැති මාර්ක් මැක්ගෝවන් සඳහන් කලේ කෙසේවෙතත් රෝහල් සඳහා තවදුරටත් කොවිඩ් රෙගුලාසි කිහිපයක් බලාත්මක වන බවයි.
මේ අතර කොවිඩ් වසංගත සමයේදී ප්‍රාන්ත රජය කටයුතු කල ආකාරය සම්බන්ධයෙන් ස්වාධීන විමර්ශනයක් පැවැත්වීමටද බටහිර ඔස්ටේ්‍රලියා ප්‍රාන්ත රජය සූදානම් වනවා.
බටහිර ඔස්ටේ්‍රලියා ප්‍රාන්තයේ රෝහල් සඳහා පැමිණෙන අමුත්තන් අනිවාර්ය කොවිඩ් පරීක්ෂණවලට භාජනය විය යුතු බවට වන නියමය පසුගිය අගෝස්තුවේදී ඉවත් කෙරුණා.
