මෙල්බන් ජාත්‍යන්තර ගුවන් තොටුපළේ රියදුරු මාෆියාව මර්දනයට වගකිවයුතු පාර්ශව නිසි පියවරක් නොගන්නා බවට චෝදනා එල්ල වනවා.
අවසර ලැබී ඇති කුලී රථ රියදුරන්ට අමතරව වෙනත් බාහිර පාර්ශවද මගී පර්යන්ත අසළ රැඳී සිටිමින් ඔවුන්ට අවහිර වන ආකාරයෙන් කටයුතු කරන බවයි අනුමත රියදුරන් පෙන්වා දෙන්නේ.
මෙම තත්වය වලක්වාලීමට 2019 වසරේදී නීති මාලාවක් සම්මත කර ඇතත් එය නිසි ලෙස ක්‍රියාත්මක නොවන බව ඔවුන්ගේ ස්ථාවරයයි.
ගුවන් තොටුපළෙන් පිටතට පැමිණෙන මගීන්ගෙන් කුළී ගමනක් යාමට අවශ්‍යදැයි බලහත්කාරයෙන් විමසීම ප්‍රධාන ගැටලුවක් වී තිබෙනවා.
නියාමනයට ලක් නොවන එවැනි කුළී රියදුරන් විසින් අධික මිළ ගණන් අය කරන බවටද චෝදනා පවතිනවා.
මේ අතර මෙල්බන් ගුවන් තොටුපළ බළධාරීන් පවසන්නේ මෙම වසර තුළ මේ දක්වා අනවසර රියදුරන් 125 දෙනෙකුට දඩ නියම කර ඇති බවයි.
