ඔස්ටේ්‍රලියානුවන්ගෙන් අඩකට වැඩි පිරිසක් රැකියා සඳහා පැමිණෙනුයේ පුද්ගලික වාහනවලින් බව හෙළිවී තිබෙනවා.
සංඛ්‍යාලේඛණ කාර්යාංශය නිකුත් කර ඇති පසුගිය වසරට අදාළ වාර්තාවක දැක්වෙන්නේ ඔස්ටේ්‍රලියානු සේවකයන් අතුරින් සියයට 53.1 ක් හෙවත් 64 ලක්ෂයකට ආසන්න පිරිසක් රැකියාවට පැමිණෙනුයේ ඔවුන්ටම අයත් මෝටර් රථවලින් බවයි.
මෙය 1981 වසර හා සැසඳීමේදී දෙගුණයක පමණ ඉහළ යාමක් වුවද 2016 වසර හා සැසඳීමේදී තරමක පහළයාමක් වනවා.
ඊට ප්‍රධාන හේතුව වී ඇත්තේ කොවිඩ් රෙගුලාසි බව සඳහන්.
2016 දී 66 ලක්ෂ 25 දහසකට ආසන්න පිරිසක් පුද්ගලික මෝටර් රථ මගින් රැකියා වෙත පැමිණ තිබුණා.
කෙසේවෙතත් ප්‍රාන්ත වශයෙන් සැලකීමේදී මෙම තත්වයෙහි විශාල වෙනස්කමක් පෙන්නුම් කෙරෙනවා.
Northern Territory හි සියයට 73.7 ක් පුද්ගලික වාහන මගින් රැකියා ස්ථාන වෙත පැමිණියද සිඩ්නි CBD හි එම ප්‍රතිශතය සියයට 13 ක් වැනි පහළ අගයක් ගනු ලබනවා.
