ඔස්ටේ්‍රලියානු සිසුන්ගේ කියැවීමේ (reading) හැකියාව පහළ වැටී ඇතැයි නවතම NAPLAN ප්‍රථිඵලවලින් හෙළිවී තිබෙනවා.
09 වන ශ්‍රේණියේ සිටින සිසුන්ගෙන් සියයට 13.5 ක් ජාතික අවම කියැවීමේ සම්මත අගය පසුකර යාමට අපොහොසත් වී ඇති බවයි මෙහිදී අනාවරණ වී ඇත්තේ.
අවසාන වරට මෙවැනි ඉහළ අගයක් සටහන්වී තිබුණේ 2008 වසරේදී වන අතර එහිදී එය සියයට 8.5 ක් ලෙස පැවතී තිබුණා.
පාසල් කාලය අවසන් කිරීමට වසර කිහිපයක් තිබියදී මෙවැනි අඩු දක්ෂතා වාර්තාවීම අවධානය යොමුකල යුතු කරුණක් බවයි විද්වතුන් පෙන්වා දෙන්නේ.
පසුගිය වසරේ NAPLAN ප්‍රථීඵල හා සැසඳීමේදී 09 ශ්‍රේණිය සිසුන්ගේ Spelling මට්ටමද – 05 ශ්‍රේණිය සිසුන්ගේ අංක ගණිතය සම්බන්ධ හැකියාවන්ද පහළ මට්ටමක පවතින බවටයි හඳුනාගෙන ඇත්තේ.
