ශීත සෘතුව අවසන් වුවද ඉදිරි දින කිහිපය තුළ වික්ටෝරියා – නිවු සවුත් වේල්ස් ඇතුලු ගිණිකොන දිග ප්‍රාන්ත කිහිපයකට දැඩි ශීතල කාළගුණයක් පවතිනු ඇති බවට අනාවැකි පළවනවා.
ඇතැම් කඳුකර ප්‍රදේශවලට හිම පතනයක් පවා වාර්තා විය හැකියි.
ඇන්ටාක්ටික් මහද්වීපයේ සිට හමා එන සිසිල් සුළං ධාරා මීට හේතුවයි.
ඒ අනුව නිවු සවුත් වේල්ස් හි Central Tablelands සහ වික්ටෝරියා ප්‍රාන්තයේ Great Dividing Range හි හිමපතනයන් අපේක්ෂා කෙරෙනවා.
Melbourne Cup තුරග තරගාවලිය අනිද්දා පැවැත්වෙන අතර ඉතිහාසයේ සිසිල්ම Melbourne Cup දිනය ලෙස මෙවර වාර්තා අතරට එක්වනු ඇති බවටයි අනාවැකි පළවන්නේ.
ඒ අනුව එදින මෙල්බන් උපරිම උෂ්ණත්වය පවතිනු ඇත්තේ සෙල්සියස් අංශක 14 ක් ලෙසයි.
