ලබන වසර වනවිට ඔස්ටේ්‍රලියාව තුළ දියර කිරි ලීටරයක මිළ සියයට 28 කින් පමණ ඉහළ යනු ඇති බවට අනාවැකි පළවී තිබෙනවා.
ඒ අනුව දැනට ඩොලර් 1.60 ක සාමාන්‍ය අගයක පවතින කිරි ලීටරයක් තවත් මාස කිහිපයක් තුළදී සත 73 ක අගයකින් පමණ වැඩි වනු ඇති බවටයි පුරෝකථනය කර ඇත්තේ.
නිවු සවුත් වේල්ස් – වික්ටෝරියා සහ ටස්මේනියා ප්‍රාන්තවලට බලපෑ ජල ගැලීම් තත්වය මෙන්ම ගෝලීය සැපයුම් ජාලයේ පවතින ගැටලු මේ සඳහා සෘජුවම බලපා තිබෙනවා.
2014 වසරේ සිටම ඔස්ටේ‍රලියාව තුළ දියර කිරි නිෂ්පාදනය සීඝ්‍රයෙන් පහළ ගොස් ඇති අතර මෙම වසරේ මේ දක්වා කාලයේදී දියර කිරි නිෂ්පාදනය පසුගිය වසරට වඩා සියයට 07 කින් පමණ පහළ ගොස් ඇති බව සඳහන්.
එමෙන්ම 2011 වසරේදී 7500 කට ආසන්නව ඔස්ටේ්‍රලියාව තුළ සිටි කිරි ගොවීන් සංඛ්‍යාව මේ වනවිට 5700 ක් පමණ දක්වා අඩුවී ඇති බවද අනාවරණ වී තිබෙනවා.
ඔස්ටේ‍රලියාව තුළ නිපදවන කිරි නිෂ්පාදනයෙන් සියයට 32 ක් පමණ කිරි – චීස් – බටර් සහ වෙනත් කිරි නිෂ්පාදන ලෙස අපනයනය කිරීමද සිදුවනවා.
