ලබන වසරේ ශීත සෘතුව වනවිට ගෑස් සැපයුම අඩාල නොවී පවත්වාගෙන යෑමට අවශ්‍ය පියවර ගැනීමට ෆෙඩරල් බලශක්ති අමාත්‍ය ක්‍රිස් බෝවන් සහ ප්‍රාන්ත රජයන් හි බලශක්ති අමාත්‍යවරුන් අතර එකගතාවයක් ඇතිවී තිබෙනවා.
ඒ අනුව AEMO හෙවත් ඔස්ටේ්‍රලියානු බලශක්ති නියාමන ආයතනයට අමතර බලතල ලබාදීම සඳහා පවතින නීති කිහිපයක් වෙනස් කිරීමටද නියමිතයි.
ඉදිරි වසර 02 තුළදී ගෑස් මිළ ගණන් සියයට 40 කින් පමණ ඉහළ යනු ඇති බවට මෙවර අයවැය ඉදිරිපත් කරමින් ෆෙඩරල් භාණ්ඩාගාරික අමාත්‍ය ජිම් චාමර්ස් කල අනතුරු ඇගවීමත් සමගයි මෙම සාකච්ඡාව පවත්වා තිබුණේ.
මේ අතර විදුලි සහ ගෑස් මිළ අවම කිරීමට හැකිදැයි සොයා බලන බව ෆෙඩරල් භාණ්ඩාගාරික අමාත්‍ය ජිම් චාමර්ස් ප්‍රකාශ කලා.
රුසියානු – යුක්රේන අර්බුදය හමුවේ ලොව පුරා බලශක්ති මිළ ගණන් කැපී පෙනෙන ලෙස ඉහළ ගොස් ඇති බවත් ඉන් ගැලවීමට ඔස්ටේ‍රලියාවටද හැකියාවක් නොමැති බවත් ඔහු සඳහන් කලා.
කෙසේවෙතත් පාරිභෝගික ජනතාවට දිය හැකි සහනයක් ඇත්නම් එය ලබාදීමට ෆෙඩරල් රජය පසුබට නොවන බවයි භාණ්ඩාගාරික අමාත්‍යවරයා අවධාරණය කර සිටියේ.
