දින 1000 කට වැඩි කාලයක් ක්‍රියාත්මක වූ ක්වීන්ස්ලන්ඩ් කොවිඩ් හදිසි තත්වය අවසන් කිරීමට තීරණය කර තිබෙනවා.
ඒ අනුව ඔක්තෝබර් 31 වනදා මධ්‍යම රාත්‍රියේ සිට බ්‍රිස්බන් ඇතුලු ක්වීන්ස්ලන්ඩ් නගරවල කොවිඩ් හදිසි තත්වය බලාත්මක නොවනු ඇති.
ඊට සමගාමීව ලොක්ඩවුන් පැණවීම – ප්‍රාන්ත වසා දැමීම වැනි ක්‍රියා සඳහා ප්‍රාන්ත ප්‍රධාන සෞඛ්‍ය නිළධාරීට පැවති බලතල ද අහෝසි වනවා.
පසුගිය 20 වනදා වනවිට ක්වීන්ස්ලන්ඩ් ප්‍රාන්තයෙන් සටහන් කර තිබූ මුලු කොවිඩ් ආසාධිතයන් සංඛ්‍යාව 16 ලක්ෂ 61 දහස් 628 ක්.
කොවිඩ් ආසාධනය වීමෙන් එහි මරණයට පත්වූ ගණන 2277 ක් ලෙසයි දැක්වෙන්නේ.
ඔක්තෝබර් 18 වනදා වනවිට ක්වීන්ස්ලන්ඩ් හි කොවිඩ් එන්නත් මාත්‍රා මිලියන 12 කට වැඩි සංඛ්‍යාවක් ලබා දී තිබුණා.
