උද්ධමනය සහ ජීවන වියදමට මුහුණදීම සඳහා ඔස්ටේ්‍රලියානුවන්ට අවම වශයෙන් ඩොලර් 6600 ක වාර්ෂික වැටුප් වැඩිවීමක් අවශ්‍ය බවට ආර්ථික විශ්ලේෂකයන් තක්සේරු කර තිබෙනවා.
කැන්ස්ටාර් ආයතනය නිකුත් කර ඇති නවතම වාර්තාවක දැක්වෙන්නේ ගතවූ වසර තුළ සිදුවූ මිල වැඩිවීම් සළකා බැලීමේදී අවම වශයෙන් ඩොලර් 6637 ක ගාස්තු ඉහළ යාම් සිදුවී ඇති බවයි.
වසර 32 කට පසු ඔස්ටේ්‍රලියාවේ උද්ධමනය වැඩිම අගයකින් වර්ධනය වෙමින් මේ වනවිට සියයට 7.3 ක් ලෙස පවතිනවා.
අයවැය කථාව කරමින් ෆෙඩරල් භාණ්ඩාගාරික අමාත්‍ය ජිම් චාමර්ස් සඳහන් කලේ ඉදිරි වසර 02 තුළදි විදුලි බිල් ගාස්තු සියයට 50 කින් පමණ වැඩිවිය හැකි බවයි.
2024 වසරේ ජූනි වනවිට ඔස්ටේ්‍රලියානුවන්ගේ මාසික ඉතිරි කිරීම් ප්‍රතිශතය සියයට 3.25 දක්වා පහළ යනු ඇති බවටද පුරෝකථනය කර තිබෙනවා.
