සංක්‍රමණ ප්‍රතිපාදන සඳහා මෙවර අයවැයෙන් වැඩි මුදලක්

ලබන අගහරුවාදා ඉදිරිපත් කරන ෆෙඩරල් අයවැයේදී සංක්‍රමණ නීති වෙනස්කම් සඳහා සැලකිය යුතු ප්‍රතිපාදන වෙන්වනු ඇති බවට අනාවැකි පළවනවා.

පසුගිය ස්කොට් මොරිසන් රජය විසින් ස්වදේශ කටයුතු දෙපාර්තමේන්තුව සඳහා වසර 04 කට වෙන් කර තිබූ ඩොලර් මිලියන 875 ක මුදලක් කපා හැර තිබූණා.

එමගින් වීසා අයදුම්පත් සළකා බැලීමේ කාලයද සීඝ්‍රයෙන් ඉහළ ගිය බවටයි චෝදනා එල්ල වූයේ.

මෙම තත්වය වළක්වාලීම සඳහා වත්මන් ලේබර් රජය විසින් ඩොලර් මිලියන 36.1 ක පිරිවැයක් දරා වීසා නිළධාරීන් තවත් 500 දෙනෙකු සේවයට බඳවා ගැනීමටයි යෝජනා කෙරුණේ.

ඊට අදාළ ප්‍රතිපාදන වෙන් කිරීමද ලබන අගහරුවාදා අයවැයේදී සිදුවනවා.

දැනට සළකා බැලීමට ඉතිරිව පවතින වීසා අයදුම්පත් සංඛ්‍යාව 872,000 කට ආසන්නයි.

160,000 ක්ව පැවති වාර්ෂික පුහුණු නිපුණතා ශ්‍රමික කෝටාව තවත් 35,000 කින් වැඩි කිරීමට අදාළ ප්‍රතිපාදන වෙන් කිරීමද ලබන 25 වනදා අයවැයේදී සිදුවනු ඇති.

එමෙන්ම වසර 04 කදී ඔස්ටේ්‍රලියාවට භාරගන්නා ඇෆ්ඝන් සරණාගතයන් සංඛ්‍යාව 16,500 කින් වැඩි කිරීම සඳහා මුදල් වෙන් කිරීමද මෙවර අයවැයෙන් සිදුකිරීමට නියමිතයි.

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »

සිඩ්නි සාප්පු සංකීර්ණයේ පිහි ඇනුමෙන් 4ක් ජීවිතක්ෂයට පත්වී ඇතැයි තොරතුරු

සිඩ්නි වෙස්ට්ෆීල්ඩ් හි සාප්පු සංකීර්ණයක සිදු වූ පිහි ඇනුම් සහ වෙඩි තැබීමේ සිදුවීම හේතුවෙන් පුද්ගලයන් 4 දෙනෙකු මියගොස් ඇතැයි වාර්තා වනවා.

Read More »

සිඩ්නි සාප්පු සංකීර්ණයක පිහි ඇනුමක් සහ වෙඩි තැබීමක්

සිඩ්නි නැගෙනහිර ප්‍රදේශයේ වෙස්ට්ෆීල්ඩ්හි සාප්පු මධ්‍යස්ථානයක් තුළ සිදු වූ පිහි ඇනුමක් සහ වෙඩි තැබීමකින් පසු ජනතාවට ඉවත්වන ලෙසට දැනුම් දී තිබෙනවා.

Read More »

සංක්‍රමණිකයන්ගේ බවට සැක කෙරෙන මළ සිරුරු දෙකක් හමුවෙයි

නිව් සවුත්වේල්ස් ප්‍රාන්තයේ කන්ටේනරයක තිබී පුද්ගල මළ සිරුරු දෙකක් සොයා ගැනීමෙන් පසු පොලිසිය විශේෂ පරීක්ෂණයක් ආරම්භ කර තිබෙනවා.

Read More »