ඔස්ටේ්‍රලියාවේ ප්‍රධානතම විදුලි සමාගමක් වන EnergyAustralia වෙත ද සයිබර් ප්‍රහාරයක් එල්ල වි තිබෙනවා.
එහි පාරිභෝගික ගිණුම් පද්ධතිය වන My Account වෙත මෙම අනවසර පිවිසීම සිදුවී ඇති අතර නිවාස සහ සුලු පරිමාණ ව්‍යාපාර ගිණුම් 323 ක තොරතුරු වෙත එහිදී අනවසර පිවිසීමක් සිදුවී ඇතැයි සඳහන්.
පාරිභෝගිකයන්ගේ නම් – ලිපින – විද්‍යුත් ලිපින – විදුලි හා ගෑස් බිල් අංක – දුරකථන අංක සහ ක්‍රෙඩිට් කාඩ් අංක මෙහිදී බාහිර පාර්ශව විසින් ලබාගෙන ඇති බවයි වාර්තා වන්නේ.
පසුගිය සැප්තැම්බර් 30 වනදා මෙම සයිබර් ප්‍රහාරය එල්ල වී ඇති බවද බලපෑමට ලක්වූ පාරිභෝගිකයන් අමතා ඒ බව දැනුම්දීමට පියවර ගෙන ඇති බවද EnergyAustralia නිවේදනය කර සිටිනවා.
තම පාරිභෝගික ගිණුම්වල මුරපද (Passwords) වහා වෙනස් කරන ලෙසයි EnergyAustralia විසින් පාරිභෝගිකයන්ට දන්වා ඇත්තේ.
