Medibank දත්ත වංචාවත් සමග ඔස්ටේ්‍රලියානුවන් ලක්ෂ 40 ක් පමණ සිය පුද්ගලික වෛද්‍ය වාර්තා ප්‍රසිද්ධියට පත්වීමේ අවධානමකට ලක්වී ඇතැයි අනතුරු ඇගවෙනවා.
දත්ත සොරාගත් පිරිස් ඊයේ පවසා තිබුණේ තමන් විසින් ගිගාබයිට් 200 ක තොරතුරු සොරාගත් බවයි.
මෙම ප්‍රකාශය සත්‍යයක්දැයි ඔස්ටේ්‍රලියානු ෆෙඩරල් පොලිසිය විසින් දැනටමත් විමර්ශනයක් ආර්ම්භ කර ඇති අතර කිසියම් අයුරකින් එය සැබෑවක් නම් තත්වය බරපතල බවටයි අනාවැකි පළවන්නේ.
Medibank පවසන්නේ මෙලෙස පැහැර ගැනීමකට ලක්වී ඇත්තේ AHM සහ ජාත්‍යන්තර ශිෂ්‍ය තොරතුරු පද්ධතියේ දත්ත බවටයි.
පුද්ගල නාම – ලිපින – උපන්දින – Medicare අංක – දුරකථන අංක & claims තොරතුරු ඒ අතර වනවා.
කිසියම් අයෙකු කුමන රෝගයකට ප්‍රතිකාර ගනු ලැබුවේද සහ අදාළ ප්‍රතිකාර මෙන්ම – වෛද්‍ය මධ්‍යස්ථාන තොරතුරුද මේ අනුව නිරාවරණය විය හැකි බවට අනතුරු ඇගවෙනවා.
