ග්‍රන්ථ කතෘන් සඳහා පිරිනැමෙන ලොව ඉහළම සම්මානයක් වන ද බුකර් සම්මානය 2022 වසර සඳහා දිනාගැනීමට ශ්‍රී ලාංකික ග්‍රන්ථ රචක ශෙහාන් කරුණාතිලක සමත්වී තිබෙනවා.
ඔහු විසින් රචනා කරන ලද ද සෙවන් මුන්ස් ඔෆ් මාලි අල්මේදා නම් ග්‍රන්ථයටයි මෙම සම්මානය පිරිනමා ඇත්තේ.
බ්‍රිතාන්‍යයේ චාර්ල්ස් රජුගේ ආර්යාව වන කැමිලා රාජිනිය අතින් ශෙහාන් කරුණාතිලක එය ලබාගනු ලැබුවා.
අවසාන වටය සඳහා පොත් 06 ක් තෝරාගෙන තිබූ අතර ජයග්‍රාහකයාට ස්ටර්ලිං පවුම් 50,000 ක මුදලක්ද අනෙක් කතුවරුන් 05 දෙනාට පවුම් 2500 බැගින්ද හිමිවනු ඇති.
ශ්‍රී ලංකාවේ යුධ වාතාවරණය පැවති සමයේ සිදුවීම් අළලා ශෙහාන් කරුණාතිලක විසින් ද සෙවන් මුන්ස් ඔෆ් මාලි අල්මේදා ග්‍රන්ථය රචනා කර තිබෙනවා.
2011 වසරේ සිය පළමු නවකතාව වන චයිනමන් හරහා ශෙහාන් කරුණාතිලක සාහිත්‍ය ක්ෂේත්‍රයට පිවිස තිබෙනවා.
ශ්‍රී ලංකාවේ උපත ලැබු ලේඛකයකුට බුකර් සම්මානය හිමිවුණු දෙවැනි අවස්ථාව මෙයයි.
මීට පෙර බුකර් සම්මානයෙන් පිදුම් ලැබුවේ මයිකල් ඔන්ඩච්චිය.
ඒ 1992 වසරේ ‘ඉංග්ලිෂ් පේෂන්ට්’ (The English Patient) කෘතිය සඳහායි.
