ගෝලීය කුසගිනි දර්ශකයට අනුව රටවල් 121ක් අතුරින් ශ්‍රී ලංකාව 64 වන ස්ථානයේ පසුවනවා.
එහි පළමු ස්ථාන කිහිපය ඉතා සාධනීය වන අතර, අවසන් ස්ථානයේ පසුවන්නේ සාගින්න දරුණු ලෙස බලපා ඇති රටවල් බවයි එම දර්ශකයේ දැක්වෙන්නේ.
එම දර්ශකය පදනම් වී ඇත්තේ සංරචක දර්ශක හතරක අගයන් මතයි
ඒ මන්දපෝෂණය, ළමයින්ගේ වැඩීම බාල වීම, ළමයින් දුර්වල වීම සහ ළමා මරණ යන දත්ත පදනම් කරගනිමින්.
2022 ගෝලීය සාගින්න දර්ශකයේ ඉන්දියාව ස්ථාන හයක් පසු බැස රටවල් 121ක් අතරින් 107 වැනි ස්ථානයට පත්ව තිබෙනවා.
දර්ශක සඳහා භාවිතා කරන ලද දත්ත යුනිසෙෆ්, ලෝක බැංකුව, ආහාර සහ කෘෂිකර්ම සංවිධානය (FAO) ඇතුළු විවිධ එක්සත් ජාතීන්ගේ සහ අනෙකුත් බහුපාර්ශ්වික නියෝජිතායතනවලින් ලබාගෙන ඇති බව වාර්තාව මගින් පෙන්වා දී තිබෙනවා.
සාගින්න අවම තත්ත්වයේ පසුවන එනම් දර්ශකයේ පළමු තැන හිමිව තිබෙන්නේ බෙලරූස් රාජ්‍යයටයි, දෙවන ස්ථානය Bosnia & Herzegovina ට හිමිව ඇති අතර 03වන සහ හතරවන ස්ථානවල පිළිවෙලින් පසුවන්නේ චිලී රාජ්‍යය සහ චීනයයි.
