වික්ටෝරියා ප්‍රාන්තයේ ජල ගැලීම්වලට ලක්වූ ප්‍රදේශවල ජනතාවට උකස් ණය ගෙවීමේ සහනයක් ලබාදීම කෙරෙහි අවධානය යොමුවි තිබෙනවා.
අගමැති ඩැනියල් ඇන්ඩෲස් සඳහන් කලේ තමා සියලුම බැංකුවල ප්‍රධාන විධායක නිළධාරීන් වෙත එම ඉල්ලීම ලිඛිතව දැන්වූ බවයි.
ආපදා සහන වැඩපිළිවෙල සඳහා මේ වනවිට 3000 කට ආසන්න පිරිසක් අයදුම් කර ඇති බවත් වික්ටෝරියා අගමැතිවරයා තහවුරු කලා.
ඔවුන්ට අදාළ හදිසි සහන හැකි ඉක්මණින් සැපයීමට පියවර ගන්නා බවයි ඩැනියල් ඇන්ඩෲස් කියාසිටියේ.
ජල ගැලීම්වලට ලක්ව සිටින වික්ටෝරියානුවන්ට සහන සැලසීම වෙනුවෙන් මේ වනවිට මධ්‍යස්ථාන 14 ක් ස්ථාපිත කර තිබෙනවා.
