නිව් සවුත් වේල්ස්, වික්ටෝරියා සහ ටස්මේනියා ප්‍රාන්තවලට බලපා ඇති අධික වැසි සහ ගංවතුර තත්ත්වය ඉදිරි පැය කිහිපය තුළ තවත් දරුණු වනු ඇති බවට අනතුරු අගවා තිබෙනවා.
වික්ටෝරියා ප්‍රාන්තයේ ප්‍රදේශ රැසකට මිලිමීටර් 100 ක වර්ෂාපතනයක් වාර්තා වී ඇති අතර, ප්‍රාන්තයේ බස්නාහිර සහ මධ්‍යම ප්‍රදේශවලට ද බරපතල වර්ෂාවක් පතිත වීමේ අවදානමක් පවතින බවයි ප්‍රාන්ත හදිසි සේවා නිලධාරීන් සඳහන් කරන්නේ.
නිව් සවුත් වේල්ස් ප්‍රාන්තයේ ඊයේ රාත්‍රිය වනවිට ගංවතුර අනතුරු ඇගවීම් 70 කට වැඩි ප්‍රමාණයක් නිකුත් කර තිබුණා.
ටස්මේනියාවේ ඇතැම් ස්ථානවලට මිලිමීටර් 250 ක් දක්වා වර්ෂාපතනයක් අපේක්ෂා කෙරෙනු ඇති.
අනතුරුදායක රිය පැදවීමෙන් වළකින ලෙස සියලු ප්‍රාන්තවල අවධානම් ප්‍රදේශවල රියදුරන්ට දැනුම්දී තිබෙනවා.
