වික්ටෝරියා ප්‍රාන්තයේ දැනට බලාත්මක වසංගත තත්වය (pandemic declaration) අද මධ්‍යම රාත්‍රියෙන් අවසන් වනවා.
මේ අනුව වික්ටෝරියා ප්‍රාන්තයේ හුදකලා නීති රෙගුලාසි ද අද මධ්‍යම රාත්‍රියේ සිට අහෝසි වනු ඇති.
ඒ අනුව හෙට (බ්‍රහස්පතින්දා) සිට කොවිඩ් ආසාධිතයන් හුදකලාව සිටීමට අවශ්‍ය වන්නේද නැහැ.
වසංගත තත්වයක් ප්‍රකාශයට පත් කිරීම හරහා නිරෝධායන රෙගුලාසි සහ හුදකලා නීති සම්බන්ධයෙන් සෘජුව නියෝග නිකුත් කිරීමට වික්ටෝරියා ප්‍රාන්ත රජයට පැවති බලතල අද මධ්‍යම රාත්‍රි සිට ඉවත්වීමට නියමිතයි.
කෙසේවෙතත් වික්ටෝරියාවේ සෞඛ්‍ය සේවකයන් සඳහා බලාත්මක එන්නත්කරණ අවශ්‍යතා තවදුරටත් බලාත්මක වනවා.
හෙට සිට බලපැවැත්වෙන පරිදි වික්ටෝරියා ප්‍රාන්තවාසීන් කිසියම් අයෙකු කොවිඩ් ආසාධිත බව තහවුරුවීමේදී ඒ බව ප්‍රාන්ත සෞඛ්‍ය අංශ වෙත දැනුම්දීම අවශ්‍ය නොවනු ඇති.
නීතියක් ලෙස අවශ්‍ය නොවුණද ඕනෑම අයෙකුට බළධාරීන් වෙත ඒ බව දැනුම්දීමට තවදුරටත් හැකියාව පවතිනවා.
කෙසේවෙතත් ප්‍රාන්ත රජය ඉල්ලා සිටින්නේ කොවිඩ් ආසාධිත බව තහවුරුවුවහොත් හුදකලා කාලය ගත කිරීමෙන් අනතුරුව සමාජය තුළ කටයුතු කරන ලෙසයි.
මේ අතර ලබන සිකුරාදා සිට නිවු සවුත් වේල්ස් ප්‍රාන්තය් රැපිඩ් ඇන්ටිජන් කොවිඩ් පරීක්ෂණ ප්‍රථිඵල වාර්තා කිරීමද අනිවාර්ය නොවන බවට නව නියමයක් පණවා තිබෙනවා.
කෙසේවෙතත් ඕනෑම අයෙකුට ස්ව කැමැත්තෙන් එම ප්‍රථිඵල ප්‍රාන්ත සෞඛ්‍ය අංශ වෙත තවදුරටත් ලබාදිය හැකි වනවා.
සමස්ත ඔස්ටේ්‍රලියාවේම දින 05 ක හුදකලා නීති ඉවත් කිරීම සිදුවන්නේ හෙට (13) මධ්‍යම රාත්‍රියේ සිටයි.
