වසර 03 ක් තුළදී ගුවන් ප්රවේශ පත්ර ගාස්තු සියයට 33 කින් ඉහළ ගොස් ඇතැයි අනාවරණ වී තිබෙනවා.
කොවිඩ් තත්වය එළඹිමට පෙර 2019 වසරේදී ග්රීෂ්ම සමයේ ගුවන් යානාවල පිරිමැසුම් පංතියේ ප්රවේශපත්රයක සාමාන්ය ගාස්තුව සටහන්වී තිබුණේ ඩොලර් 1362 ක් ලෙසයි.
කෙසේවෙතත් මේ වනවිට එය ඩොලර් 1817 ක් දක්වා ඉහළ ගොස් තිබෙනවා.
මේ සඳහා පාදක කරගෙන තිබුණේ මෙල්බන් සිට නවදිල්ලි – සිඩ්නි සිට ඩෙන්පසාර් – මෙල්බන් සිට ඩෙන්පසාර් – සිඩ්නි සිට හෝ චි මිං සහ සිඩ්නි සිට මැනිලා යන ගුවන් මාර්ගයි.
කොවිඩ් රෙගුලාසි සියල්ලම පාහේ ඉවත් කර ඇති බැවින් මෙවර නත්තල් සමයේ නිවාඩු සඳහා යන ඔස්ටේ්රලියානුවන්ගේ ප්රතිශතය සියටට 164 කින් පමණ ඉහළ ගොස් ඇති බවටද තහවුරු කරගෙන තිබෙනවා.
මෙල්බන් සහ සිඩ්නි සිට විශේෂයෙන් ආසියානු ගමනාන්ත වන දිල්ලි – බැංකොක් – සිංගප්පූරුව දක්වා ප්රවේශපත්ර වෙන් කරවා ගැනීම් මෙවර සැළකිය යුතු මට්ටමකින් ඉහළ ගොස් ඇති බවටයි තහවුරු වී ඇත්තේ.
