ඔප්ටස් ආයතනයේ සිදුවූ දත්ත සොරකම සම්බන්ධයෙන් ඔස්ටේ්‍රලියානු තොරතුරු කොමසාරිස් කාර්යාලය විසින්ද විමර්ශනයක් ආරම්භ කර තිබෙනවා.
දත්ත හා පුද්ගලිකත්ව ආරක්ෂාව සම්බන්ධයෙන් පාරිභෝගිකයන්ට දී ඇති පොරොන්දු ඔවුන් විසින් කඩකර ඇතිද යන්න පිළිබඳවයි එහිදී විමසා බැලීමට නියමිතව ඇත්තේ.
මේ අනුව ඔප්ටස් දත්ත වංචාව සම්බන්ධයෙන් මේ වනවිට විමර්ශන කිහිපයක් ආරම්භ වී තිබෙනවා.
ඔස්ටේ්‍රලිානු පාරිභෝගික කොමිසම සඳහන් කලේ පසුගිය 22 වනදා ආරම්භ වූ සිය විමර්ශනයට අදාළව මේ වනවිටත් පැමිණිලි දහස් ගණනක් ලැබී ඇති බවයි.
මෙම සියලු විමර්ශන අවසානයේ පාරිභෝගිකයන්ට ඉතිහාසයේ විශාලම වන්දියක් ගෙවන ලෙස ඔප්ටස් සමාගමට එරෙහිව නියෝගයක් නිකුත් කෙරෙනු ඇති බවටද වාර්තා පළවනවා.
