ශ්‍රී ලංකාවේ ආර්ථිකය කඩා වැටීමට ප්‍රධාන හේතුව වැරදි කළමනාකරණය බව ජාත්‍යන්තර මූල්‍ය අරමුදල කළමනාකාර අධ්‍යක්ෂ ක‍්‍රිස්ටිනා ජොර්ජිවා සඳහන් කරයි.
ශ්‍රී ලංකාවට ණය මුදලක් ලබා දීම සඳහා ශ්‍රී ලංකාව සමඟ කටයුතු කරන ජාත්‍යන්තර මූල්‍ය අරමුදලේ දූත පිරිස ද වංචා හා දූෂණ සිදු වූ බව පිළිගෙන වංචා සහ දූෂණ නැවත ඇතිවීම වැළැක්වීම සඳහා පියවර ගන්නා ලෙසද ඉල්ලීමක් කර ඇත.
ජාත්‍යන්තර මූල්‍ය අරමුදලේ සහ ලෝක බැංකුවේ වාර්ෂික සමුලුව අද(10) අමෙරිකාවේ වොෂින්ටන් නුවරදී ආරම්භ වේ.
එම සමුලු ලබන 16 වැනිදා දක්වා පැවැත්විමට නියමිතයි.
එම සමුලු සඳහා මෙරටින් 08 දෙනෙකුගෙන් යුත් මෙරට කණ්ඩායමක් සහභාගි වෙයි.
එහි ප්‍රධානත්වය මුදල් රාජ්‍ය අමාත්‍ය ෂෙහාන් සේමසිංහ දරණු ඇති.
මුදල් අමාත්‍යාංශ ලේකම්වරයා, මහ බැංකු අධිපතිවරයා ඇතුළු ඉහළ පෙලේ නිලධාරින් පිරිසක් මෙම දූත කණ්ඩායමට ඇතුළත් ය.
