ලබන නොවැම්බර් 26 වනදා පැවැත්වෙන ප්‍රාන්ත මැතිවරණයෙන් ජයගතහොත් සියලුම පොදු ප්‍රවාහන සේවා ගාස්තු අඩු කරන බවට විපක්ෂ ලිබරල් සන්ධානය ප්‍රතිඥා දෙනවා.
දුම්රිය – බස් ගාස්තු සහ ට්‍රෑම් යන සියලු සේවා සඳහා ඒ අනුව දිනකට ඩොලර් 02 ක උපරිම ගාස්තුවක් පමණක් අය කෙරෙන ලෙස ගාස්තු සංශෝධනය කෙරෙනු ඇති.
කෙසේවෙතත් regional වික්ටෝරියා හි වැඩි ප්‍රදේශයක් ආවරණය වන V/Line සේවා සඳහා ගාස්තු අඩු කිරීමක් සිදුවන්නේ නැහැ.
වසර 04 ක කාලයකට මේ අනුව වික්ටෝරියා ප්‍රාන්ත රජයට දැරීමට සිදුවන මුදල ඩොලර් බිලියන 1.3 ක්.
විපක්ෂයේ යෝජනාව අනුව දිනපතා සහ සඳහා දැනට බලාත්මක ඩොලර් 9.20 ක ගාස්තුව ඩොලර් 02 කට අඩුවීමට නියමිතයි.
ජීවන බර හමුවේ පීඩා විඳින වික්ටෝරියා මගී ජනතාවට සහනයක් සැළසීම මෙහි අරමුණ බව වික්ටෝරියා විපක්ෂ නායක මැතිව් ගයි සඳහන් කලා.
