මෙම වසරේදී ශ්‍රී ලංකාවේ දළ දේශීය නිෂ්පාදිතය සියයට 9.2 කින් පහළ යනු ඇති බවට ලෝක බැංකුව අනාවැකි පළකර තිබෙනවා.
2023 වසරේදී ශ්‍රී ලංකා ආර්ථිකය සියයට සියයට 4.2 කින් පහළ යනු ඇති බවයි ලෝක බැංකුව අද නිකුත් කර ඇති නවතම වාර්තාවක සඳහන් වන්නේ.
ශ්‍රී ලංකාව විසින් ගෙවීමට පවතින ණය හමුවේ ආර්ථික තත්වය අයහපත් වනු ඇති බවයි ලෝක බැංකුවේ ස්ථාවරය වන්නේ.
මේ අතර ඊයේ පැවති මාධ්‍ය හමුවකදී මහ බැංකු අධිපති ආචාර්ය නන්දලාල් වීරසිංහ කියාසිටියේ ශ්‍රී ලංකාවේ උද්ධමනය මේ මාසයේ දී තවදුරටත් ඉහළ ගොස් ඉන් පසු ව පහළ යනු ඇති බවයි.
සැප්තැම්බර් මාසයේ දී උද්ධමනය සියයට 67.8 ක් වනු ඇතැයි අපේක්ෂා කළ නමුත් උද්ධමනය ගණනය කළ පසු සියයට 69.8 ක් වූ බව ඔහු සඳහන් කලා.
මෙම ප්‍රවණතාව ඉදිරියටත් පවතිනු ඇතැයි ද ඒ අනුව දෙසැම්බර් මාසය වනවිට උද්ධමනය අඩු වී ලබන වසරේ දී තවදුරටත් උද්ධමනය අඩු වනු ඇතැයි ආචාර්ය නන්දලාල් විරසිංහ කියාසිටියා.
ශ්‍රී ලංකා මහ බැංකුව මුදල් ප්‍රතිපත්තිය දැඩි කිරීම හමුවේ මෙලෙස උද්ධමනය අඩු වනු ඇතැයි ද ඔහු ප්‍රකාශ කලා.
