වික්ටෝරියා ප්‍රාන්තයේ ළමුන් අතුරින් අඩකට ආසන්න සංඛ්‍යාවක් කාංසාව (anxiety) තත්වයෙන් පෙළෙන බව නවතම අධ්‍යයනයකින් අනාවරණ වී තිබෙනවා.
එමෙන්ම තම දරුවාට විද්වත් සහයක් අවශ්‍යදැයි නිශ්චිතව පැවසිය හැකි දෙමව්පියන්ගේ සංඛ්‍යාව 1/3 ක් වැනි අගයක් ගන්නා බවයි මෙහිදී හෙළිවී ඇත්තේ.
කොවිඩ් වසංගතයත් සමග ඇතිවූ විවිධ සමාජීය කරුණු හේතුවෙන් ළමුන් අතර මානසික ගැටලුවල ඉහළයාමක් නිරීක්ෂණය වී තිබෙනවා.
වයස අවුරුදු 03 ත් 17 ත් අතර ළමුන් 2000 කට වැඩි පිරිසකගේ දෙමව්පියන් යොදාගනිමිනුයි මෙම අධ්‍යයනය සිදුකර තිබුණේ.
කාංසාවේ ලක්ෂණ ලෙස සැළකෙන්නේ නිදා ගැනීමේ ගැටලු – හිසරදය – උදරාබාධ සහ ආහාර ගැනීමේ ගැටලුයි.
