රටවල් 37 ක අනුග්‍රහයෙන් යුතුව ශ්‍රී ලංකාව සම්බන්ධයෙන් ගෙන ආ නව යෝජනාව ජිනීවා හි පිහිටි එක්සත් ජාතීන්ගේ මානව හිමිකම් කවුන්සිල සැසිවාරයේදී සම්මත කරගෙන තිබේ.
යෝජනාවට පක්ෂව ඡන්ද 20 ක් ලැබී තිබූ අතර චීනය – පකිස්ථානය ඇතුලු රටවල් 07 ක් විරුද්ධව එනම් ශ්‍රී ලංකාවට පක්ෂව ඡන්දය ප්‍රකාශ කලේය.
ඉන්දියාව – ජපානය ඇතුලු රටවල් 20 ක් ඡන්දය ප්‍රකාශ කිරීමෙන් වැළකී සිටියහ.
ශ්‍රී ලංකාව සම්බන්ධයෙන් එක්සත් ජාතීන්ගේ මානව හිමිකම් කොමිසමට ශ්‍රී ලංකාව සම්බන්ධයෙන් ගෙන ආ නව යෝජනාව සම්පූර්ණයෙන්ම ප්‍රතික්ෂේප කරන බව විදේශ කටයුතු අමාත්‍ය අලි සබ්රි ප්‍රකාශ කළේය.
එම සැසිය අමතමින් ඔහු ප්‍රකාශ කර ඇත්තේ ශ්‍රී ලංකාවට එරෙහිව ගෙන එන ලද මෙම යෝජනාව ශ්‍රී ලංකාවේ කැමැත්තකින් හෝ අදහස් විමසීමකින් තොරව ඉදිරිපත් කර ඇති බවය.
එය ශ්‍රී ලංකාවට අහිතකර යෝජනාවලියක් බවද අමාත්‍යවරයා වැඩිදුරටත් පැවසීය.
මේ අතර එහිදී අදහස් පළ කළ චීන නියෝජිතයා සඳහන් කළේ ශ්‍රී ලංකාව මානව හිමිකම් ආරක්ෂා කිරීමට ගෙන ඇති පියවර මෙහිදී සැලකිල්ලට ගෙන නොමැති බවය.
