ලබන මස 26 වනදා පැවැත්වෙන වික්ටෝරියා ප්‍රාන්ත මැතිවරණයෙන් ජයගතහොත් Berwick – Clyde North ඇතුලු තදාසන්න ප්‍රදේශවල වාසය කරන ලාංකිකයන් ඇතුලු සියලු ජන කොට්ඨාශවල සුභසාධනය වෙනුවෙන් පියවර රැසක් ගන්නා බව ලිබරල් පක්ෂය පවසනවා.
ප්‍රාන්ත මැතිවරණයේදී බෙරික් ආසනය නියෝජනය කරමින් තරග කරන අපේක්ෂක බ්‍රැඩ් බැටින් මේ බව කියාසිටියේ Ausලංකා TV සමග විශේෂ සම්මුඛ සාකච්ඡාවකට එක්වෙමිනුයි.
සමස්ත වික්ටෝරියා ප්‍රාන්තවාසීන් සඳහාම සෙත සැළසෙන ව්‍යාපෘති ගණනාවක් ලිබරල් පක්ෂය විසින් මේ වනවිටත් සැළසුම් කර අවසන් බවයි ඔහු සඳහන් කලේ.
ශාක්‍යමුණි බෞද්ධ විහාරය සඳහා විශාල මුදල් ප්‍රදානයක් වෙන් කිරීම මගින්ම ලිබරල් පක්ෂය ලාංකික ප්‍රජාව කෙරෙහි දක්වන ප්‍රසාදය පෙන්නුම් කෙරෙන බව බ්‍රැඩ් බැටින් පෙන්වා දුන්නා.
වික්ටෝරියා ප්‍රාන්තය තුළ වාසය කරන සෑම ජන කොට්ඨාශයක් සඳහාම පිළිගත හැකි වැඩපිළිවෙලක් ලිබරල් පක්ෂය විසින් ඉදිරිපත් කර ඇති බවයි මෙහිදී අවධාරණය කෙරුණේ.
