පසුගිය වසර 08 පුරා ඔස්ටේ්‍රලියානුවන් විසින් විදුලි සමාගම් වෙත ඩොලර් බිලියන 10 ක පමණ අමතර මුදලක් ගාස්තු ලෙස ගෙවා ඇතැයි නවතම වාර්තාවක් අනාවරණය කරනවා.
අදාළ සමාගම් වල වියදම සහ පාරිභෝගික බිල්පත් මගින් ලද ආදායම සළකා බැලීමේදී ඩොලර් බිලියන 1.2 ක අමතර ලාභයක් ඔවුන් විසින් උපයාගෙන ඇති බව සඳහන්.
ඒ අනුව එක් විදුලි බිල්පතකින් පාරිභෝගිකයෙකු විදුලි සමාගම් වෙත ලබාදී ඇති අමතර ගාස්තුව සියයට 6.8 ක් පමණ වන අතර ඩොලර් 800 ත් 1200 ත් අතර අමතර මුදලක් ඔවුන් විසින් ගෙවා ඇති බවටයි අනාවරණ වී ඇත්තේ.
2014 ත් 2017 ත් අතර කාලයේදී විදුලි සමාගම් විසින් උපයාගෙන ඇති ලාභය සියයට 67 ක් වැනි ඉහළ අගයක් ගෙන තිබූ බවද මෙම වාර්තාව හෙළි කර තිබෙනවා.
විදුලි සමාගම් විසින් ගාස්තු ගණනය කිරීමේදී පිරිවැය සඳහා නියමිත මුදලට වඩා වැඩිපුර තක්සේරු කර තිබීමයි මීට ප්‍රධාන හේතුව වන්නේ.
මෙලෙස වැඩිපුර ලබාගෙන ඇති මුදල් පුනර්ජනනීය විදුලි ව්‍යාපෘති සඳහා යොදවන බවටද විදුලි සමාගම් විසින් එකග වී ඇති බවද සඳහන්.
