ඩොලර් මිලියන 580 ක වියදමින් මෙල්බන් උතුරු ප්‍රදේශයේ ඉදිකල නිරෝධායන මධ්‍යස්ථානය ලබන සතියේදී වසා දැමීමට තීරණය කර තිබෙනවා.
නිරෝධායනය සඳහා පැමිණෙන පුද්ගලයන් සංඛ්‍යාව සීඝ්‍රයෙන් පහළයාමයි ඊට හේතුව වන්නේ.
පසුගිය පෙබරවාරි මාසයේදී විවෘත කිරීමත් සමග මේ දක්වා පුද්ගලයන් 2168 දෙනෙකු මෙම ස්ථානයේ නිරෝධායනය අවසන් කර තිබෙනවා.
සියලු වික්ටෝරියානුවන්ට මේ හරහා ආරක්ෂිත වාතාවරණයක් නිර්මාණය කිරීමට හැකිවූ බව ප්‍රාන්ත රජය නිවේදනය කරනවා.
මෙය වසා දැමීම යනු කොවිඩ් වසංගතයට එරෙහි සටනේදී වික්ටෝරියා ප්‍රාන්ත රජය ලැබූ තවත් ජයක් බවයි ප්‍රාන්ත රජය දන්වා සිටින්නේ.
