ලබන මාසයේ පැවැත්වෙන ප්‍රාන්ත මැතිවරණයෙන් ජයගතහොත් ප්‍රාන්ත රජය විසින් ලබාගන්නා රාජ්‍ය ණය සඳහා උපරිම සීමාවක් පණවන බවට වික්ටෝරියා ප්‍රාන්ත විපක්ෂය ප්‍රතිඥා දෙනවා.
ඉදිරි වසර කිහිපය සඳහා වික්ටෝරියා ප්‍රාන්ත ආර්ථික වැඩපිළිවෙලට මෙම යෝජනාවද අන්තර්ගත බවයි විපක්ෂ ලිබරල් සන්ධානය පවසන්නේ.
මෙම වසර අවසානය වනවිට වික්ටෝරියා ප්‍රාන්තය විසින් ගෙන ඇති සමස්ත රාජ්‍ය ණය ප්‍රමාණය ඩොලර් බිලියන 101.9 ක් ලෙස පවතිනු ඇතැයි අපේක්ෂා කෙරෙනවා.
එය ක්වීන්ස්ලන්ඩ් – නිවු සවුත් වේල්ස් සහ ටස්මේනියා යන සියලු ප්‍රාන්ත විසින් ගෙන ඇති ණය සියල්ලේ එකතුවද ඉක්මවා යාමක් බවටයි වික්ටෝරියා ප්‍රාන්ත විපක්ෂය චෝදනා කර සිටින්නේ.
මෙම තත්වය පාලනය කරගැනීමට රාජ්‍ය ණ්‍ය සීමා කිරීමටත් බදු ඉහළ දැමීමටත් සිදුවන බවට වික්ටෝරියා විපක්ෂය අනතුරු අගවා සිටිනවා.
