මහා පරිමාණ සයිබර් ප්‍රහාරයෙන් පසු ඔස්ටේ්‍රලියානුවන්ගේ පුද්ගලික දත්ත ආරක්ෂාව සම්බන්ධයෙන් සිදුකෙරෙන විමර්ශන සඳහා ඔප්ටස් සමාගම විසින් සහය නොදක්වන බවට ෆෙඩරල් රජය චෝදනා කරනවා.
රජයේ සේවා අමාත්‍ය බිල් ශෝට්න් සහ සයිබර් ආරක්ෂණ ඇමතිනී ක්ලෙයාර් ඔ-නිල් සඳහන් කලේ රජය විසින් කල ඉල්ලීම් සඳහා සහය දැක්වීමට ඔප්ටස් සමාගම අනුගත විය යුතු බවයි.
විමර්ශන කණ්ඩායම් විසින් ඉල්ලා ඇති ඇතැම් තොරතුරු සැපයීමට ඔප්ටස් සමාගම මේ දක්වා පියවර ගෙන නොමැති බවටයි ෆෙඩරල් රජය චෝදනා කර සිටින්නේ.
සයිබර් ප්‍රහාරයට ගොදුරු වූ පාරිභෝගිකයන්ගේ medicare සහ centrelink තොරතුරු ලබාදෙන ලෙස ෆෙඩරල් රජය ඔප්ටස් සමාගමට දැනුම් දී ඇත්තේ පසුගිය 27 වනදායි.
දවස් 05 ක් ගතවී ඇතත් එම තොරතුරු මෙතෙක් ලබා දී නොමැති බවයි ෆෙඩරල් රජය අවධාරණය කරන්නේ.
