First home buy වැඩපිළිවෙල යටතේ පළමුවරට නිවසක් මිළදී ගන්නා පුද්ගලයන් වෙනුවෙන් සහන ලබාදීම වහා නවත්වන්නැයි ඵලදායිතා කොමිසම (Productivity Commission) විසින් ෆෙඩරල් සහ ප්‍රාන්ත රජයන්ට දැනුම්දී තිබෙනවා.
එම සහන නිවාස නොමැති ජනතාව වෙනුවෙන් යොදවන ලෙසයි ඔවුන් නිකුත් කර ඇති නවතම වාර්තාවක සඳහන් වන්නේ.
2020 – 2021 කාලය තුළදී First home buy ක්‍රමය හරහා නිවසක් මිළදී ගැනීමට සහය ලැබී ඇති පුද්ගලයන් සංඛ්‍යාව 55,000 කට ආසන්නයි.
එහෙත් එම කාලසීමාව තුළදීම නිවාස නොමැති ජනතාව විසින් ලැබී තිබූ උපකාරක ඉල්ලීම් 114,000 ක් පමණ ප්‍රතික්ෂේප වී ඇති බවද ඵලදායිතා කොමිසම නිකුත් කල වාර්තාවේ දක්වා තිබෙනවා.
ෆෙඩරල් රජය විසින් මේ සම්බන්ධයෙන් නිසි අවධානයක් යොමු නොකලහොත් නිවාස නොමැතිව මහමග හෝ පොදු ස්ථානවල ගත කරන ජනතාවගේ සංඛ්‍යාව සීඝ්‍රයෙන් වැඩිවිය හැකි බවටයි අනතුරු ඇගවෙන්නේ.
නිවාස නොමැති ජනතාව පිළිබඳ අවධානය යොමු කිරීම ප්‍රාන්ත රජයන් හි වගකීමක් වුවද වාර්ෂිකව ෆෙඩරල් රජය විසින්ද ඒ සඳහා ඩොලර් බිලියන 1.6 ක මුදලක් වෙන්කරනු ලබනවා.
