පුද්ගලික දත්ත සොරා ගැනීම හමුවේ නව විදේශ ගමන් බලපත්රයක් ගැනීමට සිදුවන ඔස්ටේ්රලියානුවන්ට ඒ සඳහා වන වියදම දැරීමට ඔප්ටස් සමාගම එකග වි තිබෙනවා.
අගමැති ඇන්තනී ඇල්බනීස් – විදේශ ඇමතිනී පෙනී වොංග් මෙන්ම සයිබර් ආරක්ෂණ ඇමතිනී ක්ලෙයාර් ඔ-නිල් විසින් පසුගියදා පාර්ලිමේන්තුවේදී අවධාරණය කලේ නව ගමන් බලපත්රයේ වියදම ඔප්ටස් සමාගම විසින් දැරිය යුතු බවයි.
මේ අතර ඔප්ටස් සයිබර් ප්රහාරයට අදාළ විමර්ශනවල ප්රගතිය සම්බන්ධයෙන් ඔස්ටේ්රලියානු ෆෙඩරල් පොලිසිය (AFP) අද පෙරවරුවේ විශේෂ මාධ්ය හමුවක් කැඳවා තොරතුරු හෙළි කලා.
Operation Guardian ලෙස නම් කර ඇති මෙම විමර්ශනයේ මූලික අරමුණ ප්රධාන සැකකරු හඳුනාගැනීමත් – දත්ත සොරාගැනීමට ලක්වූ ඔප්ටස් පාරිභෝගිකයන් 10,000 කට ආසන්න පිරිසකගේ පුද්ගලිකත්වය ආරක්ෂා කිරීමත් බවයි එහිදී සඳහන් කෙරුණේ.
සොරාගත් දත්ත යොදාගනිමින් මූල්ය අපරාධ සිදුකිරීම වැලැක්වීම – එම දත්ත අලෙවිය වැළැක්වීම වැනි පියවරද ඊට අන්තර්ගතයි.
කෙසේවෙතත් මෙම විමර්ශනයට දීර්ඝ කාලයක් ගතවිය හැකි බවද ඔස්ටේ්රලියානු ෆෙඩරල් පොලිසිය මෙහිදී සඳහන් කලා.
මේ අතර ඔප්ටස් සමාගමෙන් බවට පැමිණෙන කෙටි පණිවිඩ හෝ දුරකථන ඇමතුම් සම්බන්ධයෙන් අවධානයෙන් පසුවන්නැයිද මෙහිදී ඉල්ලීමක් කෙරුණා.
සැකකටයුතු කිසිදු link එකක් click කිරීමෙන් වළකින ලෙසත් ඔප්ටස් පාරිභෝගිකයන්ට උපදෙස් දෙනු ලැබුවා.
