කසළ බඳුන්වලින් දුගඳක් හැමුවහොත් ඩොලර් 5000 ක දඩයක් පණවන නව නීතියක් පර්ත් හි නාගරික කවුන්සිලයක් විසින් සම්මත කරගෙන තිබෙනවා.
කාබනික අපද්‍රව්‍ය බැහැර කරන කොළ පැහැති බඳුනට එම නියමය බල පැවැත්වෙනු ඇති.
මේ අතර පර්ත් වික්ටෝරියා පාර්ක් නගරයේ කසළ බඳුන්වලින් දුර්ගන්ධයක් හමන්නේදැයි පරීක්ෂා කිරීම සඳහා වෙනම පිරිසක් බඳවා ගෙන ඇති බවටද සමාජ ජාල වාර්තා පළවී තිබුණා.
කෙසේවෙතත් එවැනි කිසිදු තීරණයක් ගෙන නැතැයි වික්ටෝරියා පාර්ක් නගරාධිපතිනිය අවධාරණය කර තිබෙනවා.
මෙම නව නීතිය පණවා ඇත්තේ කහ පැහැති 03 වන බඳුනක් ද හඳුන්වාදීමෙන් අනතුරුවයි.
ගෙවතු අලංකරණයේදී ඉවත් කෙරෙන ශාක කොටස් සහ තණකොළ වැනි දෑ එම බඳුනට බැහැර කල යුතු වනවා.
