ඔස්ට්‍රේලියාවේ Privacy Act ද සංශෝධනය වන ළකුණු

ඔප්ටස් සමාගමට එල්ලවූ සයිබර් ප්‍රහාරයත් සමග Privacy act හෙවත් පුද්ගලිකත්වය පිළිබඳ පනත ද සංශෝධනය කිරීම කෙරෙහි අවධානය යොමුවී තිබෙනවා.

ෆෙඩරල් රජයේ නීතිපති Mark Dreyfus සඳහන් කලේ ගනුදෙනුකරුවන්ගේ අනන්‍යතාව පරීක්ෂා කිරීමෙන් පසු එම ලේඛන ළග තබා ගැනීමට සමාගම්වලට අවශ්‍යතාවයක් නොමැති බවයි.

ඔස්ට්‍රේලියාවේ අනන්‍යතාව පරීක්ෂා කිරීමේ ජනප්‍රියතම ක්‍රමය වන්නේ 100 point identity check හෙවත් ලකුණු 100 අනන්‍යතා පරීක්ෂණයයි.

මෙම ක්‍රමය යටතේ පාරිභෝගිකයින්ගේ රියදුරු බලපත්‍රවල, විදෙස් ගමන් බලපත්‍රවල පිටපත් අදාළ සමාගම් ඉල්ලා සිටිනු ලබනවා.

අනන්‍යතාව පරීක්ෂා කිරීමෙන් අනතුරුව එම ලේඛන සහ දත්ත ඉවත් කළ යුතු බව නීතිපතිවරයාගේ මතයයි.

වංචාවට එරෙහිව පියවර ගැනීම සඳහායි මෙම ලකුණු 100 අනන්‍යතා පරීක්ෂණය 1988 සිට ක්‍රියාත්මක වීම ආරම්භ කෙරුණේ.

අදාළ ලේඛන වර්ග සඳහා ලකුණු වෙන් කර ඇති අතර විදේශ ගමන් බලපත්‍රයට, උප්පැන්න සහතිකයට සහ පුරවැසි සහතිකයට ලකුණු 70 බැගින් ලබාදෙනවා.

රියදුරු බලපත්‍රයකට වෙන් කර ඇති ලකුණු සංඛ්‍යාව 40 ක්.

වැඩි වශයෙන් දත්ත ගබඩා කර ඇති තරමට, එය ආරක්ෂිතව තබා ගැනීම පිළිබඳ විශාල ගැටළුවක් මතුවන බව නීතිපතිවරයා පෙන්වා දෙනවා.

වයස 35 ඉක්මවූ පශ්චාත් උපාධි අපේක්ෂකයින්ට ෆෙඩරල් රජයෙන් උපදෙසක්

ටෙම්පරි ග්‍රැජුඒට් වීසා (Temporary Gratuate visa) කාණ්ඩය යටතේ පැනවූ නව සීමා හේතුවෙන් ඔස්ට්‍රේලියාවට පැමිණීමට නොහැකි වන ජාත්‍යන්තර සිසුන්ට වෙනත් සුදුසු වීසා කාණ්ඩයක් තෝරාගන්නා ලෙස ෆෙඩරල් රජය උපදෙස් ලබාදී තිබෙනවා.

Read More »

ඩොලර් 100 නෝට්ටුව ගැන ජනතාවට දැනුම්දීමක්

විදෙස් රටකදී ඔස්ට්‍රේලියානු ඩොලර් 100 නෝට්ටුවක් මාරු කිරීමට යාමේදී සිදු වූ අපහසුතාවක් පිළිබඳ ඔස්ට්‍රේලියා සංචාරකයෙකු විසින් ජනතාවට දැනුම්දීමක් සිදුකර තිබෙනවා.

Read More »

මෙල්බන් බලා ආ ගුවන් යානයක කලබලයක් නිසා හදිසි ගොඩබැස්වීමක්

පර්ත් සිට මෙල්බර්න් දක්වා පියාසර කරමින් තිබූ වර්ජින් සමාගමේ යානයක් මගියෙකුගේ කලහකාරී හැසිරීමක් හේතුවෙන් නැවත පර්ත් වෙත හදිසි ගොඩබැස් වීමක් සිදු කර තිබෙනවා.

Read More »

සිඩ්නි Cooks ගං ඉවුරේ දරු ප්‍රසූතියක් කළ මව සොයා මෙහෙයුම්

සිඩ්නිහි කුක්ස් ගං ඉවුරේදී කාන්තාවක් දරු ප්‍රසූතියක් සිදු කර ඇති බවට සාක්ෂි හමුවීම හේතුවෙන් පොලිසිය විශේෂ විමර්ශනයක් ආරම්භ කර තිබෙනවා.

Read More »

බටහිර ඔස්ට්‍රේලියාවේ ගිනි අවි සම්බන්ධ නීති දැඩි කිරීමට පියවර

පසුගියදා පර්ත්හි සිදුවූ වෙඩි තැබීමකින් මවක් සහ ඇයගේ දියණිය ඝාතනයෙන් පසු ගිනි අවි සම්බන්ධ නීති දැඩි කරන බවට බටහිර ඔස්ට්‍රේලියානු අගමැති රොජර් කුක් පොරොන්දු වී තිබෙනවා.

Read More »