සයිබර් ප්‍රහාරය හමුවේ නව විදේශ ගමන් බලපත්‍රයක් ගැනීමට සිදුවන සෑම ඔස්ටේ්‍රලියානුවෙකු සඳහාම ඊට අදාළ වියදම ඔප්ටස් සමාගම විසින් දැරිය යුතු බවට විදේශ අමාත්‍ය Penny Wong විසින් දැනුම් දී තිබෙනවා.
ඒ අනුව සෑම අයදුම්කරුවෙකු සඳහාම ඩොලර් 301 ක් වන එම ගාස්තුව දැරිය යුතු බව දක්වමින් අමාත්‍යවරිය විසින් සමාගමේ ප්‍රධානී වෙත ලිපියක් යොමු කර ඇති බව සඳහන්.
වෙනත් පාර්ශවයක අත්වැරැද්දක් හමුවේ සිදුවූ කරුණකට වන්දි ගෙවීමට බදු ගෙවන්නන් මත බර පැටවීමට රජය සූදානම් නැතැයි විදේශ අමාත්‍යවරිය අවධාරණය කරනවා.
ඔප්ටස් සයිබර් ප්‍රහාරයේදී වැඩිම වශයෙන් සොරා ගැනීමට ලක්වී ඇත්තේ ගමන් බලපත්‍ර අංක – රියදුරු බලපත්‍ර අංක – උපන්දින – ලිපින සහ මෙඩිකෙයාර් අංකයි.
ඔප්ටස් සමාගම ඊයේ පැවසුවේ නව රියදුරු බලපත්‍ර ගැනීමට දැරීමට සිදුවන පිරිවැය තමන් විසින් දරන බවයි.
