ඔස්ටේ්‍රලියාව තුළ බැටලුවන් සහ එලුවන් සඳහා ඉලෙක්ට්‍රොනික tag හඳුනාගැනීම් සවි කිරීම අනිවාර්ය කර තිබෙනවා.
2025 වසරේ ජනවාරි පළමුවනදා සිට එය බලාත්මක කිරීමටයි සියලුම කෘෂිකර්ම අමාත්‍යවරුන් එකග වී ඇත්තේ.
දැනටමත් ඔස්ටේ්‍රලියාව පුරා ගවයන් සඳහා මෙම ක්‍රමය බලාත්මක වුවද එලුවන් සහ බැටලුවන් සඳහා e-tag අනිවාර්ය කර ඇති එකම ප්‍රාන්තය වන්නේ වික්ටෝරියා ප්‍රාන්තය පමණයි.
අනෙක් ප්‍රාන්තවල තවමත් භාවිත වන්නේ කඩදාසි පදනම් කරගත් ක්‍රමයකුයි.
ඉලෙක්ට්‍රොනික tag භාවිතයෙන් සත්වයන්ට රෝගයක් වැළඳීමේදී පවා පහසුවෙන් සතුන් නිරීක්ෂණය කල හැකි වීම විශේෂත්වයක්.
