ලබන වසරේදී ඔස්ටේ්‍රලියාවේ ආර්ථික වර්ධන වේගය පහළ යනු ඇති බවට අනතුරු ඇගවෙනවා.
2023 වසරේදී සමස්තයක් ලෙස මෙරට ආර්ථික වර්ධන වේගය සියයට 2 ක පවතිනු ඇති බවයි නවතම වාර්තාවක දැක්වෙන්නේ.
කෙසේවෙතත් පසුගිය ජූනි මාසයේදී නිකුත් කල ආර්ථික පුරෝකථනයේ සටහන්වූයේ ආර්ථික වර්ධන වේගය සියයට 2.5 ක් ලෙස පවතිනු ඇති බවටයි.
යුක්රේන රුසියා අර්බුදය හමුවේ ගෝලීය සැපයුම් අඩාලවීම මීට ප්‍රධානතම හේතුව බවටයි සැළකෙන්නේ.
කෙසේවෙතත් ඔස්ටේ‍රලියාව ආර්ථික අවපාතයකට ගමන් නොකරනු ඇති බවයි ආර්ථික විද්‍යාඥයන් පෙන්වා දෙන්නේ.
ලබන මාර්තු මාසය දක්වා ඔස්ටේ්‍රලියාවේ පොළී අනුපාත ඉහළ දැමීම අඛණ්ඩව සිදුවනු ඇති බවද සඳහන්.
