නවසීලන්තයේ විශ්ව විද්‍යාල සඳහා ඇතුළත් වන පිරිමි සිසුන්ගේ සංඛ්‍යාව සීඝ්‍රයෙන් පහළ ගොස් තිබෙනවා.
2016 වසරේදී පිරිමි සිසුන්ගේ ප්‍රතිශතය සියයට 42 ක් ලෙස පැවති නමුත් මේ වනවිට එය සියයට 39 ක් දක්වා පහත වැටී ඇති බව සඳහන්.
මෙම අගය මහා බ්‍රිතාන්‍යය සහ ඔස්ටේ්‍රලියාවටත් වඩා අඩුවී තිබීම විශේෂත්වයක්.
බ්‍රිතාන්‍යයේ සරසවි සිසුන් අතුරින් සියයට 43 ක් සහ ඔස්ටේ්‍රලියාවේ සියයට 44 ක් පිරිමි සිසුන් වනවා.
ගතවු වසර 02 සලකා බැලීමේදී නවසීලන්ත විශ්ව විද්‍යාල වෙත ඇතුළත්වන සමස්ත සිසුන් සංඛ්‍යාව වැඩිවී ඇතත් ඉන් අති බහුතරය කාන්තා පාර්ශවය බවද සඳහන්.
ඇතැම් රැකියා සඳහා ඉහළ නිපුණතා සහිත පිරිමින් පමණක් යොදාගැනීමට සිදුවී තිබියදී මෙම සංඛ්‍යාලේඛණ සම්බන්ධයෙන් සතුටුවිය නොහැකි බවයි නවසීලන්ත බලධාරීන් පෙන්වා දෙන්නේ.
මේ හරහා සිදුවන්නේ අඩු අධ්‍යාපනයක් සහිත තරුණයන් රැකියා සඳහා යොමුවීමෙන් රැකියා වෙළඳපොළ තත්වය පහළයාම බවත් ඔවුන්ගේ ස්ථාවරයයි.
