බොලිවුඩ් රංගන ශිල්පිනී ජැකලින් ෆර්නැන්ඩස් බැදුම්කරයක් මත අතුරු ඇප නියම කිරීමට දිල්ලි පටියාලා හවුස් අධිකරණය නියෝග කර තිබේ.
ඉන්දීය රුපියල් කෝටි 200ක කප්පමක් ලබා ගැනීමේ සිද්ධියක් සම්බන්ධයෙන් ව්‍යාපාරික සුකේෂ් චන්ද්‍රෂේකර්ට එරෙහි නඩුවක විත්තිකාරියක් ලෙස ජැකලින් ෆර්නැන්ඩස් නම් කර තිබුණි.
ඊට අදාළව ඇය අද අධිකරණය හමුවේ පෙනී සිට ඇති අතර එහිදී ඉන්දීය රුපියල් 50,000ක බැදුම්කරයක් මත ජැකලින් මුදා හැරීමට නියෝග කර තිබේ.
අධිකරණය හමුවේ පෙනී සිටීම සදහා ජැකලින් ෆර්නැන්ඩස් වෙස් වලා ගනිමින් පැමිණ ඇති බව ඉන්දීය මාධ්‍ය වාර්තා කර තිබීම විශේෂත්වයකි.
අදාළ මාධ්‍ය වැඩිදුරටත් වාර්තා කර තිබුනේ ජැකලින් ෆර්නැන්ඩස් සුදු කමිසයකින් සහ කළු කලිසමකින් සැරසී නීතීඥවරියක් ලෙස අධිකරණය තුළට ගොස් ඇති බවය.
කෙසේ වෙතත් ඇප ලැබීමෙන් අනතුරුව ඇය අධිකරණයෙන් පිටතට පැමිණි අයුරු ඉන්දීය මාධ්‍ය මෙලෙස වාර්තා කර තිබුණි.
