නීතිවිරෝධී ලෙස මෙරටින් සංක්‍රමණයවීමට උත්සාහ කළ බවට සැකකෙරෙන පිරිසක් මන්නාරමේ දී නාවික හමුදා භාරයට ගෙන ඇත.
ඊයේ (22) රාත්‍රියේ මන්නාරම ඕලුතුඩුවායි වෙරළ තීරය අවට සිදුකළ සෝදිසිකිරීමක දී නාවික හමුදාව විසින් මෙම පිරිස සිය භාරයට ගෙන තිබේ.
අත්අඩංගුවට ගත් පිරිස අතර අවුරුදු 18ට වැඩි පිරිමි පුද්ගලයන් දෙදෙනෙක්, කාත්තාවන් තිදෙනෙක් සහ වයස අවුරුදු 18ට අඩු 07 දෙනෙකු ඇතුළු පුද්ගලයින් 12දෙනෙකු සිටී.
මෙම සැකකරුවන් වෙඩිතලතිව් ප්‍රදේශයේ පදිංචිකරුවන් බවට හඳුනාගත් බව නාවික හමුදා මාධ්‍ය අංශය සඳහන් කළේය.
ඉදිරි නීතිමය කටයුතු සඳහා සැකකරුවන් මන්නාරම පොලීසිය වෙත භරදී තිබේ.
